"Yuventus" hujumchi Kenan Yildiz bilan shartnomani uzaytirish ustida ishlashda davom etmoqda.
"Keksa sinyora" rahbariyati Angliya Premyer-ligasi grandlari anchadan beri kuzatib kelayotgan 20 yoshli futbolchi bilan doimiy muzokaralar olib bormoqda. Taniqli insayder Fabritsio Romanoning yozishicha, Turin klubining istiqbolli turkiyalik bilan muzokaralari bosqichma-bosqich rivojlanib bormoqda. Ayni paytda futbolchi bor e’tiborini "Yuventus"ga qaratgan va hech qayerga ketishni rejalashtirmayapti.
Kenan Yildizga "Chelsi", "Manchester Yunayted", "Liverpul", "Barselona" va Yevropaning boshqa top-klublari da’vogarlik qilmoqda. "Byankonerilar" yulduzining Transfermarkt saytidagi narxi - 75 mln yevro.
