Йозуа Киммих "Боруссия Д"нинг икки асосий кучли томонини таъкидлади.
"Бавария" ярим ҳимоячиси дортмундликлар ҳужумда ҳам, ҳимояда ҳам кучли футболчиларга эга эканлигини айтди.
"Фикримча, "Дортмунд" мудофаада жуда ишончли. Ҳужумда Карим Адейеми ва Максимилиан Байер каби жуда тез ўйинчилари бор, Гирасси эса жуда яхши хусусиятларга эга бўлган топ ҳужумчидир," - деди Киммих.
Германиялик футболчи ўз жамоасининг "Боруссия Д" билан орадаги фарқни ошириш имконияти борлигини таъкидлади.
"Эҳтиёткор бўлишимиз керак. Бизда ўзимизни кўрсатиш ва олдинга чиқиш имконияти бор. Бу бизнинг мақсадимиз," - деди ярим ҳимоячи.
Бу мавсумда Киммих "Бавария"нинг 10 та ўйинида битта голли узатмани амалга оширди.
