Флориан Вирц сўнгги вақтларда кўп танқидга учрамоқда. "Ливерпуль" немиснинг трансфери учун катта маблағ сарфлади, аммо футболчи ҳозирча яхшироқ ўйин кўрсата олмаяпти. Бу борада "Байер" бош мураббийи Каспер Юльманн изоҳ берди.

"Вирцга танқидлар? Қўйсангиз-чи, у ерга эндигина келган-ку. У ҳаммага - инглиз экспертларига ҳам ҳаммасини исботлаб беради. Бунга ишончим комил. Менга янги клубда биринчи кунданоқ энг яхши футболини кўрсатадиган футболчини кўрсатинг. Бунинг иложи йўқ.

Вирц ажойиб фазилатларга эга фантастик футболчи. Футболда ҳамма нарса тез ўзгаради. Агар у кейинги ўйинларда бир-иккита гол урса, ҳамма: "Мана, ниҳоят мослашди," дейди. Ва бу ҳозирги танқидлар каби нотўғри бўлади. Унга вақт бериш керак - у ўзини кўрсатиши аниқ," - дея Юльманнинг сўзларини келтиради Bild.

"Ливерпуль" Премьер-лига турнир жадвалида "Арсенал"дан 1 очко ортда қолиб, 2-ўринда бормоқда.