«Милан» ва АҚШ терма жамоаси ҳужумчиси Кристиан Пулишич терма жамоалар ўртасидаги ўртоқлик учрашувида жароҳат олгани сабабли келаси бир ойда ўйинларда иштирок этолмаслиги мумкин. Бу ҳақда ESPN хабар берди.

Унинг терма жамоаси Австралияга қарши ўртоқлик учрашувида 2:1 ҳисобида ғалаба қозонди, аммо «россонери» форварди 31-дақиқаёқ майдонни тарк этди.

Манба маълумоти кўра, футболчи ҳали Италияга қайтиб улгурмаган, чунки унинг рейси кечиктирилган. «Милан» клуби яқин соатларда футболчини тиббий текширувдан ўтказади. Агар жароҳат жиддий экани тасдиқланса, Пулишич «Фиорентина», «Пиза», «Аталанта», «Рома» ва «Парма»га қарши учрашувларни ўтказиб юборади.

Жорий мавсумда Пулишич клуб сафида барча турнирларда 8 та ўйинда майдонга тушиб, 6 та гол урган ва 2 та голли пас берган.