Швеция футбол федерацияси терма жамоага янги бош мураббий қидирмоқда, деб хабар беради Expressen.
Манбага кўра, Йон-Даль Томассон ўрнига Грэм Поттер келиши мумкин. У асосий даъвогар бўлиб, томонлар яқин келажакда музокараларни бошлаши кутилмоқда.
Поттер сентябрь ойида "Вест Хэм"дан истеъфога чиқарилганидан бери эркин агент бўлиб қолмоқда. 2011 йилдан 2018 йилгача Поттер Швецияда "Эстерсунд" мураббийи сифатида ишлаган.
Агар 50 ёшли инглиз билан келиша олмаса, Швеция футбол федерацияси бошқа номзодларга ўтади.
ЖЧ-2026 саралаши якунланишига 2 тур қолганида Швеция терма жамоаси 1 очко билан B гуруҳида сўнгги ўринни эгаллаб турибди.
