"Барселона"нинг собиқ ҳимоячиси Жерард Пике Ла Лигадаги ҳакамларнинг нохолислиги ҳақида гапирди.
Испаниялик футболчининг фикрича, ҳакамлар "Реал"га ёрдам бериш орқали натижаларга катта таъсир кўрсатади.
"Мен ҳар доим Ла Лиганинг барча ҳакамлари бир хил эканини айтганман. Уларнинг барчаси "Реал"га мухлислик қилади. Одамлар аут, фол, бурчак тўпи каби майда-чуйдалар унчалик роль ўйнамайди деб ўйлашади, лекин буларнинг барчаси жуда муҳим. Деталлар ўйинларнинг боришини ўзгартиради ва "Реал" бундан доим фойда кўрган", - дея 38 ёшли собиқ футболчининг сўзларини келтиради Managing Barca.
Пике 2022 йил охирида футболчилик фаолиятини якунлади. Унинг ҳисобида "Барселона" сафида барча мусобақаларда 600 дан ортиқ ўйин бор.
