"Манчестер Сити" таркибни кучайтириш бўйича режалар тузмоқда. Transfer News Live нашрининг Daily Express’га таяниб хабар беришича, "шаҳарликлар" "Ноттингем Форест" ярим ҳимоячиси Эллиот Андерсон учун 75 миллион фунт (тахминан 86,5 миллион евро) таклиф тайёрламоқда. Таклиф ёзда тушиши мумкин.
Шу билан бирга, "Манчестер Сити" катта эҳтимол билан рақобатга дуч келиши таъкидланмоқда. 22 ёшли ярим ҳимоячини "Челси" ва "Манчестер Юнайтед" ҳам кузатиб бормоқда.
Айтиш керакки, сентябрь ойида Эллиот Андерсон Англия терма жамоаси сафида дебют қилган эди. Ўшандан бери хавбек терма жамоанинг барча тўртта ўйинида иштирок этди.
Андерсон 2024 йил бошида "Ноттингем Форест"га ўтди. У "Ньюкасл" тарбияланувчиси ҳисобланади.













