ФИФА расмий сайти терма жамоалар рейтингининг октябрь ойидаги танаффус натижаларини ҳисобга олган ҳолда янгиланган версиясини эълон қилди. Рейтингнинг биринчи поғонасида Испания терма жамоаси қолди. "Қизил фурия" чўққига сентябрь ойида чиқиб, Аргентинани ортда қолдирганди.

Топ-3да ўзгариш бор: Аргентина ва Франция ўрин алмашди. Аргентиналиклар 2-ўринга кўтарила олган бўлса, французлар 3-поғонага тушиб кетди.

Кейинги ўринларда Англия (ўрин ўзгармаган), Португалия (0), Нидерландия (+1), Бразилия (-1), Бельгия (0), Италия (+1), Германия (+2) терма жамоалари жойлашди.