Буюк Британия бош вазири Кир Стармер "Астон Вилла"нинг тақиқи ҳақида фикр билдирди.
Бирмингем шаҳри клуби хавфсизлик билан боғлиқ муаммолар туфайли "Маккаби Тель-Авив" мухлисларини Европа Лигасининг меҳмондаги ўйинига қўймаслигини эълон қилди.
"Бу нотўғри қарор. Биз кўчаларимизда антисемитизмга йўл қўймаймиз.
Полициянинг вазифаси барча футбол мухлисларига зўравонлик ёки қўрқитишдан хавотирланмай ўйиндан завқ олиш имкониятини таъминлашдир," дея Стармер ижтимоий тармоқларда ёзди.
Европа Лигасининг "Вилла Парк"даги ўйини 6 ноябрь куни Тошкент вақти билан соат 01:00 да бошланади.
