Испания чемпионати клублари футболчилари "Барселона" - "Вильярреал" учрашувининг АҚШ ҳудудида ўтказилишига норозилик билдиришга қарор қилди. Бу ҳақда Marca портали хабар бермоқда.
Манбага кўра, футболчилар ўйинлар бошланишининг дастлабки 15 дақиқасида ҳеч қандай ҳаракатни амалга оширмайди. Испания футболчилари ассоциацияси аллақачон бу ишда "Барселона" ва "Вильярреал" футболчилари иштирок этмаслигини маълум қилган, чунки бу маълум бир клубга қарши ҳаракат сифатида талқин қилиниши мумкин.
Аввалроқ, ФИФА регламентни ўзгартиришнинг қонуний асосланган вариантларини кўриб чиқаётгани, улар туфайли миллий лигалар ўйинларини бошқа мамлакатларда ўтказишни бутунлай тақиқлаш мумкинлиги маълум бўлганди.
