"Барселона" сафида ижара асосида тўп тепаётган вингер Маркус Рэшфорд "Манчестер Юнайтед"га қайтишни режалаштирмаяпти.

Инглиз каталонияликлар сафида ажойиб формага кирди - у "кўк-анорранглилар" сафида ижара муддати тугагач, жорий мавсум якунлангач ҳам ўйнашни давом эттирмоқчи. Юзага келиши мумкин бўлган муаммолардан бири - футболчининг маоши. Бироқ, инсайдер Фабрицио Романонинг ёзишича, футболчи раҳбарият билан клуб учун қулайроқ бўлган янги тўлов тизимини бажонидил муҳокама қилади.

"Барселона" Маркус Рэшфордни сотиб олишни режалаштиряптими ёки йўқми, ҳозирча номаълум, аммо кўплаб миш-мишларга кўра, Каталониядагилар футболчидан жуда мамнун ва у билан доимий шартнома имзоламоқчи.