Sky Sport журналисти Флориан Плеттенбергнинг маълум қилишича, "Барселона" ҳужумчиси Роберт Левандовски катта эҳтимол билан клуб билан шартномани узайтирмайди.

Польшалик ҳужумчининг амалдаги келишуви 2026 йилнинг ёзигача амал қилади, бироқ уни узайтириш масаласи очиқ қолмоқда. 37 ёшли футболчи мавҳумликка қарамай, таркибдаги ўрни учун курашни давом эттирмоқчи.

Маълумот учун, Левандовски жорий мавсум жами 9та ўйинда майдонга тушди ва 4та гол уришга эришди. Яқинда маълум бўлишича, польшалик футболчи терма жамоаси қароргоҳида жароҳат олиб, бир ойдан кўпроқ муддатга сафдан чиққан ва яқин ўйинларда, шу жумладан, Ла Лиганинг "Реал"га қарши ўйинида ҳам жамоасига ёрдам бера олмайди.