Мадриднинг "Атлетико" клуби бош мураббийи Диего Симеоне Ла Лиганинг "Вильярреал" ва "Барселона" ўртасидаги ўйинни АҚШда ўтказиш бўйича режалари ҳақида гапирди.
Испания чемпионатининг декабрь ойидаги учрашуви Майамида бўлиб ўтиши керак, бу эса катта норозиликка сабаб бўлди - ҳатто футболчилар иштирокидаги норозилик намойишига қадар етиб борди.
"Вильярреал" - "Барселона" ўйини АҚШда? Мен бунга изоҳ бермайман. Ўз кўзим билан кўрмагунимча ишонмайман," - деди Симеоне матбуот анжуманида.
Бугун "матрасчилар" ўз уйларида "Осасуна"ни қабул қилишади. Учрашув Тошкент вақти билан 00:00 да бошланади. Айни пайтда "Атлетико" турнир жадвалида олтинчи ўринни эгаллаб турибди.
