"Манчестер Юнайтед" жамоаси бош мураббийи Рубен Аморим жамоанинг янги дарвозабони Сенне Ламменснинг фазилатлари ҳақида гапирди.
Бельгиялик сентябрь ойи бошида "қизил иблислар" сафини тўлдириб, "Антверпен"дан кўчиб ўтганди. Икки ҳафта муқаддам Ламменс манкунианликлар сафида "Сандерленд"га (2:0) қарши дебют ўйинида дарвозани дахлсиз сақлаб қолганди.
"Сеннеда жуда қадрли бўлган бир жиҳат бор - у иккала оёғида ҳам жуда яхши ўйнайди. Рақиблар уни прессинг қилишда қийналишади, чунки у ҳам чап, ҳам ўнг оёқ билан зарба бера олишини билишади. Бу муҳим," - дея Аморимнинг сўзларини келтиради United Stand.
Якшанба куни "МЮ" Премьер-лига доирасида "Ливерпуль" меҳмони бўлади.
