Ўтмишда машҳур бўлган англиялик футболчи Алан Ширер "Манчестер Сити" марказий ҳужумчиси Эрлинг Холанднинг ўйини ҳақида фикр билдирди.
Норвегиялик футболчи бу мавсумда юқори самарадорлик кўрсатмоқда - у 11та гол билан АПЛ тўпурарлар пойгасида пешқадамлик қилмоқда. Шунингдек, унинг ҳисобида Чемпионлар Лигасидаги икки ўйинда урилган учта гол ҳам бор.
"Агар сиз мукаммал марказий ҳужумчини кўришни хоҳлайдиган жамоани нолдан тузаётган бўлсангиз, Холанднга қаранг. Унда голлар, тезлик, куч бор, у ҳавода яхши ўйнайди. У деярли мукаммал," - деди Ширер BBC Match of the Day дастурида.
