Тел-Авив дербиси мухлислар томонидан юзага келган тартибсизликлар туфайли бекор қилинди.
Полиция Исроил чемпионати доирасидаги “Маккаби” ва “Хапоэл Тел-Авив” ўртасидаги ўйин ўтказилиши керак бўлган стадиондаги шароитни хавфли деб эълон қилди.
Мухлисларнинг пиротехника воситалари ва тутунли бомбалардан фойдаланиши туфайли арена тутунга тўлиб кетди.
Исроил полицияси хабарига кўра, ҳодисаларда уч нафар полициячи ва беш нафар мухлис жароҳатланган.
Бундан ташқари, бир нечта мухлислар стадион ташқарисига шиша ва тошлар улоқтиришган. Беш киши ҳибсга олинди. Ўйин бекор қилинди.
