Лондоннинг "Арсенал" клуби бош мураббийи Микель Артета ўз клуби марказий ҳужумчиси Виктор Дьёкереш ҳақида гапирди.

"Менимча, унга мослашиш учун вақт керак эмас. Менимча, у ҳақиқатан ҳам яхши. У ўз ҳаракатлари билан бизга тўп билан ва тўпсиз кўплаб вариантларни тақдим этмоқда," - деди Артета Чемпионлар Лигаси ўйини олдидан ўтказилган матбуот анжуманида.

Эслатиб ўтамиз, қимматбаҳо швециялик ҳозирча "Арсенал" сафида расмий ўйинларда атиги 3та гол урган. У АПЛ 2-турида "Лидс" дарвозасини икки марта ишғол қилган бўлса, 4-тур доирасида "Ноттингем Форест" дарвозасига бир марта гол урди.

Ўтган икки мавсумда Дьёкереш Лиссабоннинг "Спортинг" жамоасида ўйнаган ва у ерда ҳужумнинг асосий юлдузи бўлган.