Мюнхеннинг “Бавария” клуби Дортмунднинг “Боруссия” клуби марказий ҳимоячиси Нико Шлоттербекни сотиб олиш устида иш бошлади.
Bild нашрининг янгиланган хабарига кўра, Мюнхен клуби вакиллари аллақачон 25 ёшли футболчи билан боғланиб, унга қизиқиш билдиришган.
Бошқа Европа гигантлари ҳам вазиятни кузатмоқда. «Боруссия» Шлоттербек билан шартномани узайтиришга умид қилмоқда, бироқ футболчи қарор қабул қилиш учун янги йилни кутади. Немис ҳимоячисининг амалдаги шартномаси 2027 йилнинг ўрталарида тугайди.













