Каталония нашри E-Notíciesнинг хабар беришича, «Барселона» жамоаси ҳимоячиси Алехандро Бальде «Манчестер Сити»нинг трансфер рўйхатига киритилган.

Манба маълумотларига кўра, Бальде хизматларига шахсан «шаҳарликлар» бош мураббийи Хосеп Гвардиола қизиқиш билдирган. У ушбу масала юзасидан «Барселона» спорт директори Деку билан мулоқот олиб борган.

Маълумот учун, 2023 йили ҳам «Манчестер Сити» Бальдени сотиб олишга ҳаракат қилган, аммо каталонияликлар таклифни рад этган эди.

Ҳозирги пайтда трансфер амалга ошиши жуда кам эҳтимолли деб баҳоланмоқда, чунки «Барселона»нинг молиявий аҳволи барқарорлашган ва Бальде жамоанинг асосий етакчиларидан бирига айланган.

Шу билан бирга, Гвардиола ўз услубига мос ҳимоячи сифатида Бальдени идеал номзод деб ҳисоблайди ва у учун курашни тўхтатмоқчи эмас.

Маълумот учун: 21 ёшли испан ҳимоячининг «Барселона» билан тузган шартномаси 2028 йилгача амал қилади. Transfermarkt портали маълумотларига кўра, унинг бозор қиймати 60 миллион еврога тенг.