Амалдаги шартнома ҳимоячи Харри Магуайрни 2025/2026 йилги мавсум охиригача "Манчестер Юнайтед" билан боғлаб туради. Transfer News Live нашрининг журналист Саймон Стоунга таяниб хабар беришича, Магуайр "Олд Траффорд" билан меҳнат шартномасини узайтириш учун маошини қисқартиришга тайёр.

Ўтган дам олиш кунлари "Манчестер Юнайтед" сафарда "Ливерпуль"ни сенсацион тарзда мағлуб этди. Айнан Магуайр ғалаба голига муаллифлик қилди.

Харри Магуайр 2019 йил ёзидан буён "Манчестер Юнайтед" шарафини ҳимоя қилиб келмоқда. Ўшандан бери ҳимоячи 254 та ўйин ўтказиб, 17 та гол ва 9 та голли узатмани ўз ҳисобига ёздириб қўйди.