УЕФА Чемпионлар Лигаси умумий босқичи 3-туридан ўрин олган «Галатасарой» — «Будё-Глимт» учрашуви якунланди. Ушбу баҳсда турк жамоаси 3:1 ҳисобида ғалаба қозонди.

Учрашувнинг 3-дақиқасида Виктор Осимҳен ҳисобни очди, 33-дақиқада эса у дубль расмийлаштирди. Юнус Акгюн 60-дақиқада «Галатасарой»нинг учинчи голини урди. 76-дақиқада Андреас Хельмерсен битта жавоб тўпини киритди.

Бу ғалабадан сўнг «Галатасарой» 6 очко билан Чемпионлар Лигаси умумий жадвалида ўрта қисмида жой олди. «Будё-Глимт» эса 2 очко билан паст қисмида қолмоқда.

Кейинги турда «Галатасарой» 5 ноябрь куни сафарда «Аякс»га қарши ўйнайди, «Будё-Глимт» эса 4 ноябрь куни ўз майдонида «Монако»ни қабул қилади.

Чемпионлар Лигаси. Умумий босқич. 3-тур
«Галатасарой» (Истанбул, Туркия) — «Будё-Глимт» (Будё, Норвегия) - 3:1
Голлар: 1:0 — Осимҳен (3'), 2:0 — Осимҳен (33'), 3:0 — Акгюн (60'), 3:1 — Хельмерсен (76')