Бирмингемнинг "Астон Вилла" клуби бош мураббийи Унаи Эмери клуб раҳбарияти бир вақтнинг ўзида бир нечта футболчи билан шартномаларни янгилашни режалаштираётганини маълум қилди. Янги битимлар Жон Макгинн, Морган Рожерс ва Метти Кэшга таклиф қилинади.
Англия Премьер-лигасининг жорий мавсумида бирмингемликлар 8 турдан сўнг 12 очко жамғаришди. Эмери шогирдлари мусобақа жадвалида 11-ўринни эгаллаб турибди.
"Астон Вилла" Премьер-лигадаги навбатдаги учрашувини ўз майдонида "Манчестер Сити"га қарши ўтказади. Учрашув 26 октябрь, якшанба куни Бирмингемдаги стадионда бўлиб ўтади.
