Луиш Фигу "Реал"нинг класикодаги ғалабасини башорат қилди.
Мадридликлар якшанба куни Ла Лиганинг 10-турида "Барселона"ни қабул қилади. Ўтган мавсумда "кўк-анорранглилар" "Мадрид" билан тўртта ўйиннинг барчасида ғалаба қозонган эди.
"Менимча, "Реал" 3:1 ҳисобида ғалаба қозонади. Улар уйда ўйнашади ва бу ҳар доим муҳим аҳамиятга эга. Бундан ташқари, голлар кўп ва томошабоп ўйин бўлади.
Агар "Мадрид" ўтган йилги воқеаларга эътибор қаратадиган бўлса, бундан мотивация сифатида фойдаланади. Аммо ҳар бир мавсум нолдан, янги ўйинчилар ва бошқа мақсадлар билан бошланади.
Класикода ҳеч қачон аниқ фаворит бўлмайди. Қандай формада келишингиздан қатъи назар, бу ўзига хос ўйин.
Эҳтимол, мезбонларда кичик устунлик бордир, аммо бу ҳеч нарсани кафолатламайди," - деди "Реал" ва "Барса"нинг собиқ ҳужумкор ярим ҳимоячиси.
