Luish Figu "Real"ning klasikodagi g‘alabasini bashorat qildi.

Madridliklar yakshanba kuni La Liganing 10-turida "Barselona"ni qabul qiladi. O‘tgan mavsumda "ko‘k-anorranglilar" "Madrid" bilan to‘rtta o‘yinning barchasida g‘alaba qozongan edi.

"Menimcha, "Real" 3:1 hisobida g‘alaba qozonadi. Ular uyda o‘ynashadi va bu har doim muhim ahamiyatga ega. Bundan tashqari, gollar ko‘p va tomoshabop o‘yin bo‘ladi.

Agar "Madrid" o‘tgan yilgi voqealarga e’tibor qaratadigan bo‘lsa, bundan motivasiya sifatida foydalanadi. Ammo har bir mavsum noldan, yangi o‘yinchilar va boshqa maqsadlar bilan boshlanadi.

Klasikoda hech qachon aniq favorit bo‘lmaydi. Qanday formada kelishingizdan qat’i nazar, bu o‘ziga xos o‘yin.

Ehtimol, mezbonlarda kichik ustunlik bordir, ammo bu hech narsani kafolatlamaydi," - dedi "Real" va "Barsa"ning sobiq hujumkor yarim himoyachisi.