"Аталанта"нинг собиқ ҳужумчиси Матео Ретеги фаолиятини Европада давом эттириши мумкин эди. Июль ойида 26 ёшли футболчини Саудия Арабистонининг "Ал-Қодисия" клуби 68 млн евродан кўпроқ маблағ эвазига трансфер қилди. Ҳужумчи "Милан"га ўтиши мумкинлигини тан олди.
"Милан" хизматларимдан манфаатдор эди. Биз музокаралар ўтказдик, аммо "Ал-Қодисия"да мени кўпроқ ўз сафига қўшиб олишни исташди," - дея Италия терма жамоаси футболчисининг сўзларини келтиради журналист Николо Скира.
Матео Ретеги А Сериянинг ўтган мавсумида энг кўп гол урган футболчига айланди. Италиялик футболчи ҳозирги жамоаси сафида 6 та ўйинда 3 та гол урди, унинг амалдаги шартномаси 2028 йилгача мўлжалланган.
