"Барселона" ҳужумчиси Роберт Левандовски жароҳатидан тикланишда давом этмоқда.

37 ёшли футболчи "кўк-анорранглилар"нинг сўнгги икки ўйинида сонидан олган жароҳати сабаб майдонга туша олмади. Barca Universal нашрининг Польша ОАВларига таяниб хабар беришича, ҳужумчи 2 ноябрь куни бўлиб ўтадиган "Эльче"га қарши баҳсга қайтишни режалаштирмоқда. Юлдуз фахрий "Реал"га қарши бўлажак ўйинни (26 октябрь) ўтказиб юборади, аммо тезроқ формага кириш учун қўлидан келганини қилмоқда.

Роберт Левандовски жорий мавсум Ханс-Дитер Флик жамоаси сафида барча мусобақаларда тўққизта ўйинда майдонга тушиб, тўртта гол урди.