Европа лигаси умумий босқичи доирасида Бирмингемнинг "Астон Вилла" клуби сафарда Нидерландиянинг "Гоу Эҳед Иглз" жамоасига 1:2 ҳисобида имкониятни бой берди. Бу ҳақда "шерлар" устози Унаи Эмери ўз фикрларини билдириб ўтди.
"Менинг шогирдларим устунликка эга бўлишди, ҳисобни очишди ва вазиятлар яратишди. Биз ўз имкониятларимиздан фойдалана олмадик, рақиб эса ўз имкониятларидан фойдаланди. Улар яхши ўйнашди, ҳимояда ажойиб ўйин кўрсатишди. Сафарда ўйнаш ҳар доим ҳам осон эмас. Бу муваффақиятсизликдан хафа бўлдик", - дея испаниялик мутахассиснинг сўзларини келтиради клуб матбуот хизмати.
"Астон Вилла" Европа Лигасидаги навбатдаги ўйинини ўз майдонида Тел-Авивнинг "Маккаби" клубига қарши ўтказади.
