"Барселона" президенти Жоан Лапорта Мадриднинг "Реал" клуби устидан ғалаба қозонилган тақдирда қандай ҳиссиётлар бўлиши ҳақида гапирди. "Эл-класико" якшанба куни "Сантяго Бернабеу"да бўлиб ўтади.
"Ҳиссиётларни назорат қилиш керак, аммо ғалаба тоза қувонч бағишлайди. Баъзилар бу ўйинлардан бири дейишади, йўқ - бу "эл класико." Ўйинни бутун дунё кузатиб турибди, муваффақият қозонсангиз, ўзингизда йўқ фахр туясиз.
"Бернабеу"да "Реал"ни мағлуб этаётган жамоани томоша қилиб ўтириш - ажойиб ҳиссиёт. Мен буни Роналдиньо ва Месси даврида, ўтган мавсумда ҳам ҳис қилганман. Зўриқиш, голдан кейинги ҳиссиётлар жунбиши... Бу унутилмас лаҳзалар," - дея Лапортанинг сўзларини келтиради Barca Universal.
Ўтган мавсумда "Барселона" тўртта "класико"да тўртта ғалабага эришди.
