"Манчестер Юнайтед" ярим ҳимоячиси Бруно Фернандеш Саудия Арабистонидан таклиф олганини эслади.
Ўтган ёзда Саудия Арабистони лигаси вакиллари "қизил иблислар" сардорини ўзига жалб қилишга ҳаракат қилишди, аммо у қолишга қарор қилди.
"Бу вариант молиявий нуқтаи назардан жуда фойдали эди. Ҳамма "Ал-Ҳилол" ва бошқа клублар мен билан боғланганини билади, аммо менинг жавобим ўзгаришсиз қолди. Битта аниқ таклиф бор эди. Мен бу ҳақда Криштиану Роналду билан гаплашдим - мен унинг бу борадаги фикрини эшитмоқчи эдим", деди 31 ёшли футболчи интервьюсида.
