"Наполи" клуби бош мураббийи Антонио Конте А Серия доирасидаги "Интер"га қарши ўйин арафасида ОАВга интервью бермади. Бу ҳақда Football Italia нашри хабар бермоқда.
Қайд этилишича, бу қарор Контенинг жорий мавсумда "Наполи" Чемпионлар Лигаси ва чемпионатда ўйнаганида бир ҳафтада 2 марта матбуот анжумани ўтказмаганини инобатга олсак, унчалик ажабланарли эмас. "Наполи" 25 октябрь куни бўлиб ўтадиган "Интер"га қарши ўйинга 2 жароҳат билан келмоқда - ҳужумчи Расмус Хёйлунд ва дарвозабон Алекс Мерет сафдан чиққан.
Сўнгги учрашувда Конте шогирдлари Нидерландиянинг ПСВ клубига 2:6 ҳисобида имкониятни бой берганди. Ўйин Чемпионлар лигаси 3-тури доирасида бўлиб ўтди.













