"Манчестер Сити" вингери Жереми Доку жамоадоши Эрлинг Холанднинг муваффақияти ҳақидаги фикрлари билан ўртоқлашди.
Норвегиялик ҳужумчи клуб ва терма жамоадаги сўнгги 12 та ўйинининг барчасида гол урди.
Бугун 25 ёшли футболчи Премьер-лигада "Астон Вилла"га қарши ўйинда голли сериясини узайтиришга ҳаракат қилади.
"Холанд - машина. У гол уришни яхши кўради ва буни доимо қилади, лекин у ҳар доим кўпроқ нарсани хоҳлайди.
Бу Эрлингнинг асосий фазилатларидан бири ва у доим шундай бўлган. Мен унинг муваффақиятидан ҳайрон эмасман", - дея Докунинг сўзларини келтиради City Репорт.
