"Ливерпуль"нинг собиқ футболчиси Стив Макманаман Александр Исакнинг жорий мавсумда мунтазам гол ура бошлашини кутмоқда.
"Қизиллар"нинг юлдуз янги футболчиси жорий мавсумда 8 та ўйинда майдонга тушиб, 1 та гол уришга муваффақ бўлди. 26 ёшли швециялик янги жамоаси сафида ҳозирча Премьер-лигада гол ура олмаяпти. Шанба куни "Брентфорд"га қарши ўйинни (2:3) форвард жароҳати туфайли ўтказиб юборди.
"Исак? Агар у 20та гол урмаса, ҳамма уни муваффақиятсизликка учради, деб айтади," - деди Макманаман TNT Sports телеканали эфирида.
"Ливерпуль" ёзги трансфер ойнасининг сўнгги кунида Александр Исакни "Ньюкасл"дан рекорд даражадаги 145 млн еврога сотиб олди.
