Мадриднинг "Реал" клуби ҳужумчиси Винисиус Жуниор Испания Примерасининг 10-туридан ўрин олган "Барселона"га қарши ўйиндан бир кун олдин "қаймоқранглилар" мухлисларига мурожаат қилди.
"Эртагача, мадридчилар. Бундан роҳатланинг", - деб ёзди бразилиялик ўзининг ижтимоий тармоқдаги аккаунтида.
"Реал" ва "Барселона" ўртасидаги ўйин Мадриддаги "Бернабеу" стадионида бўлиб ўтади.
Примера 9-туридан кейин "Реал" очколари сонини 24тага етказиб, 1-ўринда бормоқда. "Барселона" очколарини 22тага етказиб, 2-ўринда бормоқда. Ўтган турда Хаби Алонсо жамоаси "Хетафе"ни (1:0) мағлуб этган бўлса, Ҳанс-Дитер Флик шогирдлари "Жирона"ни (2:1) таслим этди.
