"Манчестер Юнайтед" жамоани кучайтириш бўйича режалар тузмоқда. Transfer News Live нашрининг Express’га таяниб хабар беришича, "қизил иблислар" яримҳимоячи Жоб Беллингемни ижарага олиш имкониятини кўриб чиқмоқда.
Ўтган ёзда "Сандерленд"дан "Боруссия" Дортмундга ўтганди. Ўшандан бери ярим ҳимоячи 12 та ўйинда майдонга тушиб, жамоадошларига иккита голли узатмани амалга оширди. Шу билан бирга, кичик Беллингем атиги икки марта Бундеслига ўйинини асосий таркибда бошлаган.
Жоб Беллингем 20 ёшда. Нуфузли Transfermarkt портали мутахассислари ярим ҳимоячини 30 миллион еврога баҳоламоқда.













