"Реал" ўз майдонида Ла Лига 10-туридан ўрин олган учрашувда "Барселона"ни мағлуб этди - 2:1.
Учрашувнинг 22-дақиқасида "Реал" форварди Килиан Мбаппе ҳисобни очди. Жавоб голини 38-дақиқада каталонияликлар ярим ҳимоячиси Фермин Лопес киритди. Мадридликларнинг иккинчи тўпини 43-дақиқада ярим ҳимоячи Жуд Беллингем киритди.
Ўйиннинг 52-дақиқасида "Барселона" ҳимоячиси Эрик Гарсиянинг қўлига тўп теккач, ҳакам Сесар Сото Градо томонидан белгиланган пенальтини Мбаппе аниқ амалга ошира олмади. Каталонияликлар дарвозабони Войцех Шесни 26 ёшли французнинг зарбасини қайтарди.
Бундан ташқари, ҳакам Мбаппенинг иккита голини офсайд туфайли бекор қилди.
"Реал" очколарини 27 тага етказиб, Испания чемпионати турнир жадвалида пешқадамлик қилмоқда, "Барселона" 22 очко билан иккинчи ўринда бормоқда.
Ла Лига. 10-тур
26 октябрь, якшанба, 20:15
Реал - Барселона - 2:1
Голлар: Мбаппе, 22 (1:0). Фермин Лопес, 38 (1:1). Беллингем, 43 (2:1)
Фойдаланилмаган пенальти: Мбаппе, 52’
Реал: Куртуа, Эдер Милитау, Хейсен, Каррерас, Вальверде (Карвахаль, 72), Камавинга, Тчуамени, Винисиус Жуниор (Родригу, 72), Арда Гюлер (Диас, 66), Беллингем (Г. Гарсия, 90), Мбаппе (Себальос, 90+1)
Барселона: Шесни, Кубарси (Барджи, 84), Э. Гарсия (Араухо, 74), Бальде (Мартин, 90+7), Кунде, де Йонг, Фермин Лопес, Педри, Рэшфорд, Ямаль, Торрес (Касадо, 74)
Огоҳлантиришлар: Вальверде, 23. Хейсен, 57 - Педри, 42. Фермин Лопес, 90
Четлатиш: Педри, 90 (иккинчи сариқ карточка)
