Миланнинг "Интер" клуби ҳамон "Комо" ярим ҳимоячиси Николас Пасни нишонга олган.

"Нерадзуррилар" аргентиналик футболчининг Сеск Фабрегас жамоасидаги муваффақиятларини анчадан бери кузатиб келмоқда, бироқ ўтган ёзда футболчи ҳеч қаерга кетмасликка қарор қилганди. Transfer News Liveнинг хабар беришича, "Интер" Пасни 2026 йилда "Реал"дан тортиб олиш учун тахминан 58 миллион евро таклиф қилишга тайёр. Эслатиб ўтамиз, "қаймоқранглилар" биринчи навбатда қайта сотиб олиш опциясидан фойдаланиб, ўз тарбияланувчисини қайтариб олишлари мумкин.

Transfermarkt портали экспертлари Николас Паснинг нархини 55 млн еврога баҳоламоқда. 21 ёшли футболчига Англия грандлари ҳам қизиқиш билдирган.