"Ювентус" ва Италия терма жамоаси афсонаси Жанлуижи Буффон Игор Тудор истеъфога чиқарилгач, "бьянконерилар" бош мураббийлигига асосий даъвогар бўлган Лучано Спаллетти номзодини қўллаб-қувватлашини билдирди.

"Фикримча, Лучано амбицияларини сақлаб қолишни истаган ҳар қандай катта клуб учун идеал мураббий. У билан кўп нарса йўқотмайсиз. Бу ажойиб профессионал танлов бўларди. У футболчи, ажойиб инсон ва ажойиб мураббий. Спаллетти - тажриба, харизма ва авторитет бўйича дунёнинг энг яхшиси," - дея Буффоннинг сўзларини келтиради Football Italia.

Буффон ва Спаллетти аввалроқ Италия терма жамоасида бирга ишлаган. Спаллетти бош мураббий, Буффон эса делегация раҳбари бўлган, Жанлуижи бу лавозимни ҳозиргача эгаллаб келмоқда.