Туркиядаги футбол ҳакамларининг чорак қисми мунтазам равишда спортга пул тикиб келади.
Daily Sabah нашрининг хабар беришича, Туркия Футбол Федерацияси (ТФФ) ички текширув ўтказди ва натижада мамлакатдаги фаол футбол ҳакамларининг 65 фоизи букмекерлик компанияларида ҳисоб рақамига эга эканлиги аниқланди.
"571 ҳакамдан 371 нафари пул тикиш иловаларида шахсий аккаунтларга эга ва 152 нафари фаол пул тикиб келади.
Биз футболимизни ҳар қандай коррупция изларидан тозалаш ниятидамиз. Ҳеч қандай истисно бўлмайди", деди ТФФ президенти Иброҳим Ҳажиосманоғлу Истанбулда бўлиб ўтган брифингда.
