Аргентиналик ҳужумчи Алехандро Гарначо нега "Манчестер Юнайтед"ни "Челси"га алмаштиришга қарор қилгани ҳақидаги саволга жавоб берди.
"Клуб ва Мареска билан гаплашганимда мен учун ўйин услубимиз муҳим эди. У видеоқўнғироқ пайтида менга кўп нарсаларни тушунтирди. Бу "Челси"дек жамоада яхшироқ бўлиш учун ажойиб имконият", - дея Гарначонинг сўзларини келтиради Sports Illustrated.
21 ёшли Гарначо ёзги трансфер ойнасида "Челси" футболчисига айланди. Унинг хариди "кўклар"га 46 миллион еврога тушган.
Пойтахт клуби сафида вингер барча турнирларда еттита ўйинда майдонга тушиб, битта гол урган. Футболчининг "Челси" билан меҳнат шартномаси 2032 йилгача мўлжалланган.
