"Аталанта" бош мураббийи Иван Юрич А Серия доирасидаги "Милан"га (1:1) қарши ўйинни сарҳисоб қилди. "Россонерилар" сафида голга Самуэль Риччи 4-дақиқада, мезбонлар сафида Адемола Лукман 35-дақиқада муаллифлик қилди.
"Муносиб бўлсак-да, ғалаба қозона олмаганимиз жуда ачинарли. Биз бошидан охиригача устунлик қилдик. "Милан"нинг биринчи зарбасидаёқ гол урилди, кейин эса, иккинчи бўлимдаги бир ўн дақиқаликни ҳисобга олмаганда, барчаси назоратимиз остида бўлди. "Аталанта" "Милан"дан анча яхшироқ ўйнади - бугун кураш бўлмади", - деди Юрич DAZN’га берган интервьюсида.
Бергамо жамоаси чемпионатда кетма-кет бешта ўйинда дуранг ўйнади. Айни дамда "Аталанта" 13 очко билан 6-ўринни эгаллаб турибди.
