“Ан-Наср” клуби ҳужумчиси ва сардори Криштиану Роналду Саудия жамоаси сафида деярли уч йил давомида иштирок этган 13 та турнирда чемпион бўлиш имконини қўлдан бой берди.

28 октябрь, сешанба куни Ар-Риёд клуби Қирол кубоги 1/8 финалида “Ал-Иттиҳод”га қарши ўйинда 1:2 ҳисобида мағлубиятга учради (1:2).

40 ёшли португалиялик футболчи “Ан-Наср” билан фақат бир марта — 2023 йилдаги Араб чемпионлари кубогида ғолиб чиққан. Бироқ бу мусобақа расмий эмас, балки ўртоқлик мусобақаси сифатида баҳоланади.

Роналдунинг “Ан-Наср” билан амалдаги шартномаси 2027 йил ёзигача мўлжалланган.