"Наполи" ҳужумчиси Ромелу Лукаку шу ҳафта охирида жамоа сафига қайтади, дея хабар бермоқда журналист Жанлука Ди Марцио ўзининг ижтимоий тармоқлардаги саҳифасида.
Эслатиб ўтамиз, бельгиялик футболчи мавсумолди тайёргарлик бошланганидан бери майдонга тушмади. Ҳужумчи 14 август куни "Олимпиакос"га қарши ўртоқлик ўйинида мушакларидан жароҳат олган эди.
Лукаку 2024 йилнинг ёзида "Челси"дан 30 миллион евро эвазига "Наполи"га ўтганди. Ўтган мавсумда футболчи 14 та гол уриб, А Серияда жамоанинг энг яхши тўпурари бўлганди.













