Англиянинг "Вулверхэмптон" клуби устози Витор Перейра тез орада истеъфога чиқарилиши мумкин. Бу ҳақда Molineux News хабар бермоқда.
"Бёрнли"га қарши ўйиндаги 2:3 ҳисобидаги мағлубиятдан сўнг жамоа АПЛ турнир жадвалида сўнгги ўринни эгаллаб турибди, мураббийнинг ўзи эса мухлислар билан тортишиб қолган. Сўнгги маълумотларга кўра, кейинги ўйинлар унинг учун ҳал қилувчи бўлади.
Жамоа 29 октябрь куни Англия Лига кубоги баҳсида Лондоннинг "Челси" клубини қабул қилса, 1 ноябрь куни "Фулхэм" майдонига сафар қилади. "Челси" таркиби энг оптимал бўлмаслиги кутилмоқда, бу эса Перейрага натижа кўрсатиш ва раҳбарият муносабатини яхшилаш учун бироз имконият беради.
Португалиялик мутахассис жамоани 2024 йилдан буён бошқариб келмоқда. Жорий йилнинг сентябрь ойида у 3 мавсумга мўлжалланган янги шартнома имзолаганди.
