Собиқ футболчи Димитар Бербатов Флориан Вирцнинг "Ливерпул"да порлашига ишонади.
Болгариялик футболчи шунингдек, немис футболчисининг кучли томонларини ҳам мақтади. "Вирцнинг футболга бўлган қараши, бўш жой топиши, ўзини қандай тутиши, импровизацияси, узатмаси, зарбалари - буларнинг барчаси таъсирчан.
Албатта, баъзилар унинг Премьер-лига учун етарлича жисмоний кучи йўқлигини айтишлари мумкин.
Лекин Модричга қаранг - у ҳам худди шундай гавдага эга. Бироқ Модрич совуққон футболчи. Шунинг учун Вирцга вақт беринг.
У "Ливерпул"да ажойиб ўйнайди", деди Бербатов Рио Фердинанднинг подкастида.
