"Рома" жорий Италия чемпионатида ёмон ҳаракат қилмаяпти. Жан Пьеро Гасперини жамоаси турнир жадвалида иккинчи ўринда бормоқда ва "Наполи"дан фақат қўшимча кўрсаткичлар бўйича ортда қолмоқда.
Қишки трансферлар вақтида "Рома" ўз таркибини кучайтиришга умид қилмоқда. Transfer News Live нашрининг La Gazzetta dello Sport’га таяниб хабар беришича, Рим "бўрилари" январь ойида "Манчестер Юнайтед"дан ҳужумчи Жошуа Зиркзеени ижарага олмоқчи.
24 ёшли Зиркзее бу мавсумда жуда кам ўйин амалиётига эга бўлмоқда ва қишда "Манчестер Юнайтед"ни тарк этишни исташи аниқ. Нуфузли Transfermarkt портали нидерландиялик футболчини 28 миллион еврога баҳоламоқда.
