"Барселона" "Камп Ноу"га қайтишга яқин турибди.
7 ноябрь куни жамоа янгиланган аренада очиқ машғулот ўтказади.
Тадбир, шунингдек, "Камп Ноу"да барча тизимларнинг тайёрлигини синовдан ўтказиш ва стадионга расмий ўйинларни қайтаришдан олдин инфратузилма ва кириш-чиқишни ташкил этиш ишларини текшириш имконини беради.
Машғулотда томошабинлар сони 23 минг кишигача чекланган бўлиб, улар асосий трибуна ва аренанинг жанубий қисмидан жой олади.
Аввалроқ, шаҳар кенгаши "Барселона"га 27 минг томошабинга мўлжалланган "Камп Ноу"да ўйнашга рухсат берган эди, аммо каталонияликлар камида 47 минг томошабинни таклиф қилиш мумкин бўлган кейинги босқични кутмоқда.
