"Арсенал" Англия Премьер-лигаси чемпионлигини охирги марта 2004 йилда қўлга киритган эди. Ўшанда "канонирлар" Премьер-лига мавсумини мағлубиятсиз ўтказган эди.
Микель Артета жамоаси ҳозирда турнир жадвалида пешқадамлик қилмоқда.
"Арсенал" мураббийидан бу мавсум Премьер-лига чемпионлигини қўлга киритиш учун идеал имкониятми, деб сўралди.
"Бу биз учун катта имконият. Лекин биз бу қанчалик қийинлигини тушунамиз. Биз барқарорликни намойиш этишда давом этишимиз керак.
Эртага бизни жуда қийин ўйин кутмоқда. Ғалаба қозониш учун биз энг яхши ўйинимизни кўрсатишимиз керак", деди Артета матбуот анжуманида.
