"Arsenal" Angliya Premyer-ligasi chempionligini oxirgi marta 2004 yilda qo‘lga kiritgan edi. O‘shanda "kanonirlar" Premyer-liga mavsumini mag‘lubiyatsiz o‘tkazgan edi.
Mikel Arteta jamoasi hozirda turnir jadvalida peshqadamlik qilmoqda.
"Arsenal" murabbiyidan bu mavsum Premyer-liga chempionligini qo‘lga kiritish uchun ideal imkoniyatmi, deb so‘raldi.
"Bu biz uchun katta imkoniyat. Lekin biz bu qanchalik qiyinligini tushunamiz. Biz barqarorlikni namoyish etishda davom etishimiz kerak.
Ertaga bizni juda qiyin o‘yin kutmoqda. G‘alaba qozonish uchun biz eng yaxshi o‘yinimizni ko‘rsatishimiz kerak", dedi Arteta matbuot anjumanida.
