"Страсбург" ҳужумчиси Хоакин Паничелли ҳамон топ-клублар эътиборида бўлиб турибди.
Аргентиналик футболчи мавсумни ажойиб бошлади: у тўққизта гол билан Франция чемпионати тўпурарлар пойгасида пешқадамлик қилмоқда. 23 ёшли футболчининг агенти мижозини "Милан" кузатиб бораётганини тасдиқлади.
"Ҳозирча ҳеч қандай янгилик йўқ. Сўнгги ҳафталарда мен билан ҳеч ким боғланмади, аммо Паничеллининг номи "Милан"га жуда яхши маълум - клуб уни анчадан бери кузатиб келмоқда," - дея агентнинг сўзларини келтиради Calciomercato.
Ҳужумчининг трансфер нархи Transfermarkt талқинига кўра 12 млн еврони ташкил қилмоқда. Жорий йилнинг июль ойида "Страсбург" футболчини Испаниянинг "Алавес" клубидан 16,5 млн еврога сотиб олган эди.
