Ханс-Дитер Фликнинг машғулот услублари «Барселона»нинг барча футболчиларига ҳам маъқул эмас. Diario AS маълумотларига кўра, жамоанинг айрим ўйинчилари немис мураббийи томонидан жисмоний жиҳатдан етарлича кучли машғулотлар ўтказилмаётганидан норози. Шу сабабли улар клубдан ташқарида алоҳида равишда жисмоний ҳолат устида ишлашмоқда.

Ханс-Дитер Флик «Барселона»ни ўтган йил ёзида қабул қилиб олган эди. Ҳозирги бош мураббий қўл остидаги илк мавсумда «кўк-анорранглилар» Испания ичидаги барча мусобақаларда ғолибликни қўлга киритишган. Ҳозирги вақтда каталонияликлар Ла Лига жадвалида иккинчи ўринни эгаллаб турибди. Улар «Реал»дан беш очко орқада кетмоқда.